Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik, Visar Ymeri, ka kritikuar presidenten Vjosa Osmani dhe kryeministrin në detyrë, Albin Kurti, për mënyrën se si po menaxhojnë procesin e mandatimit të Glauk Konjufcës si kryeministër, duke theksuar se po ndodh një “zvarritje e qëllimshme” e shkuarjes në zgjedhje të reja. Ymeri tha se në terren nuk ka asnjë ndryshim politik dhe asnjë parti, përfshirë Lëvizjen Vetëvendosje, nuk ka treguar vullnet për të siguruar shumicën e nevojshme për formimin e qeverisë së re. “Përgjegjësia e presidentes ka qenë që të pranojë se zgjedhjet janë të pashmangshme dhe të punojë që ato të mbahen sa më shpejt. Kjo zvarritje, nëse del se është e qëllimshme, do t’u faturohet si qëllim keq Vjosa Osmanit dhe Albin Kurtit, sepse po e vonojnë procesin e rivlerësimit qytetar të partive, duke e ditur që nuk ka shpresë për ndryshim”, tha Ymeri. Ai shtoi se, sipas tij, shtyrja e procesit nuk lidhet me ndonjë rrezik për stabilitetin e vendit, por me përfitime politike të pushtetit aktual. “Nëse e dinë që nuk kanë gjasa, kjo zvarritje është e qëllimshme. Për ta, është përfitim politik dhe jo rrezik për vendin, siç po përpiqen ta paraqesin”, theksoi Ymeri.
