Vitia shënoi Ditën e Tokës

22/04/2021 Institucionet

Me një aksion për mbjelljen e luleve në parkun e qytetit të Vitisë, Institucionet komunale të shoqëruara nga pjesëtarë të KFOR-it amerikan, policisë, drejtorë të drejtorive e zyrtarëve komunal, punonjësve të kompanisë së pastrimit “Eco Higjinea, Njësisë së zjarrfikësve dhe përfaqësuesve të OJQ-vë, është shënuar Dita e Tokës. Kryetari i komunës Sokol Haliti, duke falënderuar gjithë mekanizmat që kanë qenë të përfshirë në projektin e aksionit për pastrim me moton “Pastro dhe ruaj”, ka theksuar se për këto tri javë, Vitia me lokalitetet e saj ka qenë e përkushtuar në pastrimin e ambientit, duke u kujdesur për qytetarët e saj që të kenë një mjedis të pastër e të shëndetshëm. Gjithashtu, tha se aksioni i këtyre ditëve ka qenë mesazh për ngritjen e përgjegjësisë, që të mbahet ambienti i pastër dhe që secili qytetarë të ndjej përgjegjësinë për ruajtjen e ambientit. Ndryshe, aksioni i sotëm me mbjelljen e luleve, ka shënuar edhe përfundimin e aksionit 22 ditor të pastrimit, ku në të gjitha fshatrat janë zhvilluar aktivitete për pastrimin e ambienteve, shesheve, rrugëve, oborreve të shkollave. Gjithashtu, janë zhvilluar aksion për pastrim edhe të varrezave ortodokëse e katolike në Binçë, Letnicë, Viti, Pozheran etj. Po për nderë të Ditës së Tokës, Klubi i çiklistëve “Korri” nga Pozherani, kanë organizuar një shtegtim me moton: “Shtegtim i vogël për dashuri të madhe ndaj Tokës”. Me këtë rast, çiklistët kanë shtegtuar në relacionin Viti-Kabash-Binçë-Viti.

Kontrolloni gjithashtu

Shqiponja (Jabllanica) e Dushkajës festoi 25-vjetorin e çlirimit dhe nderoi veprën atdhetare të të rënëve në luftën për liri

Shqiponja (Jabllanica) e Dushkajës – kjo fole e atdhetadashurisë dhe dëshmi e qëndresës së pamposhtur …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara