Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vjosa Osmani, nuk ka ftuar femrat, ish-pjesëtaret e UÇK-së, në Forumin për Gratë. Ajo në Forumin e saj partiak me prejardhje nga Lidhja e Komunistëve të Jugosllavisë, ka selektuar se cilat gra të ftohen, e cilat jo. Me këtë rast ajo nuk ka ftuar as deputetet: Time Kadrijaj e Shqipe Selimi, luftëtare të dalluara të Ushtrisë Çlirimtare të Kosovës. Nuk ka informata a e ka ftuar Kaçusha Jasharin dhe ish koleget e babait të saj, Raif Osmanit. Duke folur për këtë rast, deputetja e PDK-së, Ganimete Musliu, ka theksuar se “historia e grave të Kosovës në garantimin e paqes dhe sigurisë as nuk fillon e as nuk mbaron me Vjosa Osmanin. U dëshmua edhe njëherë se zonja Osmani nuk i pranon dot afër vetes heroinat e gjalla të Kosovës”. Ganimete Musliu ka reaguar edhe në komentin e (kapterit, në postin e Ministrit të Mbrojtjes) Armend Mehaj se Ushtria u konsideruaka ende si vend për burrat dhe këtë duhet ta ndryshojmë. Mehaj nuk do të duhet të mohonte realitetin faktik se ka mjaft heroina të gjalla të UÇK-TMK-FSK-së, të cilat janë krenaria jo vetëm e Kosovës por e mbarë kombit dhe qindfish më me merita, për çlirimin e dhe shtet-ndërtimin e Kosovës sesa kapiteni ministër i Albin Kurtit, z Armend Mehaj dhe kryetarja që doli nga pazaret politike, Vjosa Osmani.
