Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretarja e Përgjithshme e Partisë Demokratike të Kosovës, Vlora Çitaku, ka drejtuar kritika të shumta ndaj politik bërjes nga Qeveria Kurti dhe zbehjes së raporteve miqësore me Shtetet e Bashkuara të Amerikës. Gjatë konferencës për medie, ajo theksoi se është e paimagjinueshme që 26 vite pas luftës, Kosova të jetë e ndëshkuar dhe e penalizuar nga aleatët e saj. “Çka nuk është normale, është kaosi, kriza e izolimi në të cilën e ka futur Kosovën kjo kastë politike. E paimagjinueshme që 26 vite pas luftës, Kosova të jetë e ndëshkuar dhe e penalizuar nga aleatët e saj e tërë kjo për shkak të qasjes të papërgjegjshme e aventureske të Albin Kurtit. Nuk ka ndërhyrë Amerika në Kosovë për të na bërë vend të dështuar e të izoluar. Imagjinojneni Hashim Thaci nga malet e Pashtrikut ka lidhur aleancë me NATO-n e tani e edhe tani nga burgu i Hagës e solli Amerikën në mbrojtje të luftës së drejtë të UÇK-së. Çka bëri Albin Kurti? Albin Kurti e ka gjetur në tavolinë nga komoditeti i zyrës së kryeministrit, suksesshëm ka arritur të rrënojë aleanca të shumta të cilat janë ndërtuar me shumë gjak, mund, sakrificë por edhe mençuri” theksoi mes tjerash, deputetja, Vlora Çitaku.
