Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Vlora Çitaku, ka reaguar ashpër ndaj përplasjeve publike mes Vjosa Osmani dhe ushtrueses së detyrës së presidentes, Albulena Haxhiu, lidhur me menaxhimin e rrjeteve sociale të Presidencës. Çitaku e ka cilësuar këtë debat si të parëndësishëm dhe të shkëputur nga realiteti i qytetarëve, duke e quajtur “tallje” dhe “hajgare koti”. Ajo kritikoi ashpër fokusin në çështje si Facebook dhe Twitter, ndërkohë që, sipas saj, vendi përballet me probleme serioze ekonomike dhe sociale. Çitaku theksoi se çmimet e larta, kriza energjetike, pagat e ulëta dhe pensionet e pamjaftueshme janë sfidat reale që kërkojnë vëmendje urgjente institucionale. Sipas saj, përfshirja në “inate provinciale” në rrjete sociale vetëm sa e largon vëmendjen nga këto probleme thelbësore. Ky reagim vjen në një kohë kur përplasjet politike në vend po zhvillohen gjithnjë e më shumë në hapësirat digjitale, duke ngritur pikëpyetje për prioritetet reale të institucioneve dhe klasës politike.
