Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Partisë Demokratike të Kosovë, Xhavit Haliti, ka komentuar mundësinë e krijimit të një koalicioni për të tejkaluar krizën politike në vend, duke theksuar rëndësinë e bashkëpunimit ndërmjet partive politike. “Nuk më kanë kërkuar këshilla, por me ata që kam biseduar u kam thënë: përpiquni të hyni në koalicion, sepse në koalicion zgjidhen problemet dhe ndihmohet vendi. Nuk kam refuzuar koalicionet që janë bërë dhe ato që do të bëheshin,” deklaroi Haliti. I pyetur nëse do të mbështeste një koalicion me Lëvizjen Vetëvendosje, Haliti nënvizoi se përgjegjësia për një bashkëpunim të mundshëm është në anën e kësaj partie. “Unë nuk dua të ushtroj presion përmes mediave, sepse PDK tashmë ka një qëndrim refuzues ndaj Vetëvendosjes. Por mendoj që topi është në anën e VV-së, pasi nuk i ka ofruar koalicion PDK-së,” tha ai. Haliti theksoi se vendi ka nevojë për stabilitet politik dhe se partitë duhet të vendosin interesin e qytetarëve mbi atë partiak, duke lënë të hapur mundësinë për një bashkëpunim në të ardhmen nëse ka vullnet të ndërsjellë.
