Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së UÇK-së ka bërë thirrje për mobilizim të përgjithshëm qytetar në protestën e paralajmëruar për të mërkurën në ora 17:00, në Prishtinë. Kryetari i OVL-UÇK-së, Xhavit Jashari, ka deklaruar se protesta është reagim ndaj padrejtësive që po u bëhen ish-krerëve të UÇK-së në Hagë, duke theksuar se nuk është në pyetje vetëm fati individual i tyre, por edhe vetë lufta çlirimtare dhe themeli i shtetit të Kosovës. Jashari ka kërkuar reagim të fuqishëm nga shoqëria civile, organizatat, faktori politik dhe institucionet, duke nënvizuar se protesta nuk është kundër drejtësisë, por për drejtësi të vërtetë. Ai tha se procesi gjyqësor aktual përfaqëson padrejtësi ndaj luftës së pastër të UÇK-së dhe vlerave kombëtare, ndaj është e domosdoshme pjesëmarrja masive në protestën e nesërme.
