Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada e Amerikës në Kosovë ka shpërndarë në faqen zyrtare, intervistën që i ka dhënë, Radios-Evropa e Lirë, ambasadori, Jeffrey Hovenier, lidhur me zhvillimet e fundit politike në vendin tonë. Ai ka thënë se nuk e di se si Shtetet e Bashkuara do të mund ta ndryshonin mbështetjen e tyre për Kosovën në lidhje me përkushtimin ndaj popullit të Kosovës dhe idesë së Kosovës si një shtet sovran, i pavarur, demokratik dhe multietnik. Dhe, sigurisht, ne shpenzojmë kaq shumë kohë dhe përpjekje për ta avancuar këtë vizion që Kosova të jetë ajo që është – një shtet i vogël ose i mesëm i Ballkanit Perëndimor që është plotësisht i integruar në strukturat evropiane dhe euroatlantike. Vizioni ynë për një Evropë të plotë, të lirë dhe në paqe, nuk mund të realizohet pa qenë pjesë e kësaj edhe Kosova. Dhe, për këtë arsye ne kemi bërë kaq shumë përpjekje. Kështu e shohim ne, ka deklaruar mes tjerash, ambasadori, Xhefri Hovenier në intervistën e tij për Radion Evropa e Lirë.
