Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Social Demokratike të Maqedonisë, Zoran Zaev sërish ka paralajmëruar publikimin e materialeve me incizime të përgjuara që kanë të bëjnë me rastin ‘Monstra’. Sipas kreut të opozitës maqedonase, publikimi i këtyre materialeve do të bëhet pas protestës së kësaj partie në muajin maj. Zaev paralajmëroi publikimin e incizimeve edhe për vdekjen e kryeredaktorit të Fokusit, Nikolla Mlladenov si dhe për rastin Martin Neshkovski. Duhet të theksohet se kryetari i social-demokratëve të Maqedonisë edhe vitin e kaluar kishte premtuar se do të bënte publikimin e materialeve që lidhen me rastin ‘Monstra’, proces ky kontrovers gjyqësor i cili shqiptoi dënime me burgim të përjetshëm për 6 shqiptarë të Shkupit. Por pas presionit nga Brukseli dhe qarqe të tjera, Zaev kishte hequr dorë nga publikimi i këtyre materialeve.
