Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Publicisti, Zlatoje Martinov ka folur lidhur me stagnimin e dialogut mes Serbisë dhe Kosovës, duke theksuar se autoritetet në Beograd përfitojnë nga statusi i ngrirë i konfliktit, duke shmangur përballjen me realitetin. Nuk mund të pritet një ndryshim i politikës amerikane ndaj Ballkanit dhe se përparimi në bisedime është i pamundur pa një ndryshim të qasjes nga Serbia. Dialogu ka ngecur dhe se emërimi i një përfaqësuesi të ri të posaçëm të BE-së për dialogun nuk do të sjellë ndryshime substanciale, për shkak të mungesës së vullnetit në Beograd për të vazhduar bisedimet. Pjesëmarrja më e madhe e serbëve në jetën politike mund të sjellë ndryshime, veçanërisht në veri. Kosova është e pavarur prej kohësh, një fakt që është pranuar nga më shumë se njëqind shtete, përfshirë të gjitha fuqitë e mëdha, përveç Rusisë dhe Kinës. Nëse Beogradi vazhdon të këmbëngulë se Kosova është pjesë e Serbisë, bisedimet do të mbeten të bllokuara, theksoi Martinov.
