Shumë fshatra të Klinës pa energji elektrike

16/12/2017 Institucionet

Shumë fshatra të Komunës së Klinës, janë duke u përballur me mungesë të energjisë elektrike si pasojë e motit të lig i përcjelle me erë të fortë që ka mbretëruar mbrëmë në territorin e kësaj komune dhe që po vazhdon edhe sot. Një pjesë e lokaliteteve kanë mbetur pa energji elektrike gjatë tëre natës deri në orët e paradites së sotme, derisa disa fshatra të tjera akoma janë pa rrymë. Gjokë Lleshaj, drejtor i Shërbimeve Publike dhe Emergjente në Klinë, ka treguar se janë disa fshatra që kanë mbetur pa rrymë elektrike nga mbrëmë. Sipas tij ka dy javë që disa fshatra të Lugut të Drinit janë duke u përballur me reduktime të shpeshta të energjisë elektrike, të cilat janë të gjata dhe pa kurrfarë orari. “Kjo është papërgjegjësi totale e KEDS-it, pagesat e rrymës kërkohen me kohë, ndërsa furnizimi është në gjendjen më të keqe. Kërkojmë nga KEDS dhe organet tjera që sa me shpejt që është e mundur të intervenojnë në rregullimin e gjendjes”, thotë Lleshaj. Ai tregon se ky është diskriminim që po ju bëhet qytetarëve dhe kërkon përgjegjësi nga ata që janë përgjegjës për furnizim me energji elektrike. Ndryshe, sot po mbretëron një mot i lige i përcjellë me shi të furishëm gjë që shton drojën e vërshimeve të mundshme. “Deri tash nuk kemi marrë asnjë informate për vërshime në ndonjë pjesë të Klinës, por nëse vazhdojnë të reshurat e shiut situata mund të përkeqësohet. Ne jemi duke përcjellë situatën dhe të gatshëm për të intervenuar aty ku paraqitet nevoja”, thotë Lleshaj.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara