Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të LDK-së, Arben Gashi, ka akuzuar shumicën parlamentare për pamundësimin e punës së institucionit në aspektin e mbikëqyrjes së institucioneve. Gashi theksoi se, në vend që Kuvendi të funksionojë si një institucion mbikëqyrës, shumica parlamentare ka penguar me qëllim punën e tij në këtë drejtim. Ky institucion më së paku është institucion përfaqësues, shumë pak është institucion mbikëqyrës, sepse qëllimisht kjo shumicë parlamentare ka pamundësuar funksionin mbikëqyrës të këtij kuvendi, duke sabotuar çdo punë që ka të bëjë me mbikëqyrjen institucionale, edhe pse njëra prej shtyllave kryesore të parlamentarizmit është për ta rritur shkallën e mos besueshmërisë dhe konfliktit brenda këtij institucioni. Ky është Parlamenti që ju udhëhiqni, kjo është shumica parlamentare që ju keni, tha mes tjerash, kryetari i Grupit Parlamentar të LDK-së, Arben Gashi.
