Komuna e Ferizajt në gatishmëri të plotë pas reshjeve të mbrëmshme të borës

19/11/2018 Institucionet

Gjatë ditës së hënë u mbajt mbledhja e radhës e Këshillit të Drejtorëve të komunës së Ferizajt. Në këtë mbledhje, me drejtorët e drejtorive komunale, Kryetari i Komunës së Ferizajt, Agim Aliu njoftoi mbi ecurinë e përgjithshme të punës së ekzekutivit, ndërkohë drejtorët e drejtorive komunale raportuan mbi gjendjen në sektorët e tyre. Temë e diskutimit të kësaj mbledhje ishte gjendja në gjithë territorin e Ferizajt, pas reshjeve të mbrëmshme të borës. Nga drejtori i Drejtorisë së Shërbimeve Publike dhe Emergjencave, Arben Halili u raportua se ekziston një gatishmëri e plotë për intervenim në mirëmbajtje të rrugëve në gjithë territorin e Ferizajt, pas këtyre reshjeve dhe se deri më tani nuk ka pasur raportime për përkeqësim të qarkullimit në lokalitetet që përfshijnë territorin tonë. Ndryshe nga herët e kaluara, veçanërisht pakujdesisë së qeverisjes së kaluar për të përballuar këtë situatë, sivjet janë marr të gjitha masat për menaxhimin e situatës me reshjet e borës nga ekzekutivi komunal, i udhëhequr nga Kryetari i Komunës, Agim Aliu. Tema të diskutimit në këtë mbledhje të Këshillit të Drejtorëve ishin edhe përgatitja për seancën e radhës të Kuvendit të Komunës si dhe përgatitja për festat e fund vitit, përkatësisht dekorimin e qytetit.

Kontrolloni gjithashtu

Në QKMF-në në Ferizaj ishin për vizitë Dr. Edita Haxhiu – përfaqësuese nga OBSh, Dr. Fetije Fetaj nga IKShPK dhe një përfaqësuese nga UNICEF-i

Në shërbimin e vaksinimit në Ferizaj ishin për vizitë Dr. Edita Haxhiu – përfaqësuese nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara