50 fermerë vitias përfitojnë nga një shpërndarëse të plehut artificial

10/10/2018 Institucionet

Të mërkurën në Viti 50 fermerë vitias kanë pranuar nga një shpërndarëse të plehut artificial. Kjo gjë u mundësua falë bashkëpunimit të Komunës së Vitisë me Helvetas Swiss Intercoperation-Projekti Aftësitë për Punësim Rural (APR) dhe implementimit nga Grupi Lokal i Veprimit „Vitia“. Kryetari i Komunës së Vitisë, Sokol Haliti foli mbi punën që po bënë kjo komunë në bashkëpunim me partnerët e saj që të përkrahën të gjitha sektorët e bujqësisë në këtë komunë. “ Ne po mundohemi me partnerët tanë të përkrahim të gjithë fermerët tanë të zellshëm në të gjitha sektorët dhe nën sektorët. Këtë gjë natyrisht që po e bëjmë se bashku me partneret tan sikurse në këtë rast me projektin APR. Me këtë rast dua të falënderoj të gjitha organizatat të cilat po na përkrahin të ndihmojmë të gjithë sektorët si në blegtori, pemëtari, perimtari, lavërtari etj”, u shpreh Haliti. Ai tha se kjo komunë do të vazhdoj të bashkëpunoj që të përkrah fermerët të cilët me mund dhe ndjerës po shfrytëzojnë potencialet që ka dhënë natyra në sektorin e bujqësisë. Veton Ademi, Drejtor për Bujqësi, Pylltari dhe Zhvillim Rural tha se gjatë këtij viti janë realizuar projekte të shumta në sektorët e ndryshme të bujqësisë . Ai tha se kjo drejtori iu është mirënjohës kryetarit Haliti që po përkrah fuqishëm sektorin e bujqësisë por edhe të gjitha organizatat në veçanti Helvetas Swiss Intercooperation, Projekti Aftësitë për Punësim Rural (APR) me të cilën u bë shpërndarja e këtyre pajisjeve të punës për fermerët vitias.

Kontrolloni gjithashtu

Kryetari Haliti priti në takim shefin e UNDP-së, z. Nuno Queiros

Kryetari i komunës së Vitisë, Sokol Haliti me bashkëpunëtorë ka pritur sot në takim shefin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara