Brickos

78 deputetë kanë votuar pro rezolutës për lirimin e Ramush Haradinajt

78 deputetë kanë votuar pro rezolutës për lirimin e Ramush Haradinajt

Shefat e Grupeve parlamentare të Kuvendit të Kosovës janë pajtuar për votimin e një  Rezolute, përmes së cilës kërkohet lirimi i Ramush Haradinajt nga izolimi ku po mbahet në Francë prej më shumë se dy muaj.  Tekstin e rezolutës e ka lexuar shefi i GP të AAK-së, Pal Lekaj, ndërsa shefi i deputetëve të Vetëvendosjes,  Glauk Konjufca ka bërë të ditur se rezoluta është ndryshuar me ndërhyrjen e partive në pushtet, LDK-PDK. 78 deputetë kanë votuar për ndërsa një ka votuar kundër. Me anë të kësaj rezolute parashihet pezullimi i dialogut me Serbinë deri në lirimin e kryetarit  të AAK-së Ramush Haradinaj.

Rezoluta e plotë  Lidhur me ndalimin e ish-kryeministrit të Kosovës, z. Ramush Haradinaj në Francë.

Lirimi pa kushte i ish-kryeministrit të Kosovës, z. Ramush Haradinaj, të ndodh sa më shpejt dhe të konsiderohet detyrë primare shtetërore.

Të pezullohet procesi i dialogut për normalizimin e marrëdhënieve ndërmjet Kosovës dhe Serbisë, deri në lirimin e ish-kryeministrit të Kosovës, z.Ramush Haradinaj.

Qeveria e Republikës së Kosovës të kërkojë nga BE-ja, që ta detyron Serbinë për t’i anuluar të gjitha aktakuzat dhe fletë arrestete lëshuara nga Serbia, përmes Interpolit për shtetasit e Republikës së Kosovës.

Qeveria dhe institucionet tjera të Republikës së Kosovës obligohen që të ndërmarrin të gjitha veprimet e nevojshme në mënyrë që të informojë të gjitha instancat ndërkombëtare se,”…refuzon juridiksionin universal të Serbisë për krimet e pretenduara në tërë territorin e ish-Jugosllavisë”, dhe konform kësaj të kërkojë lirimin e ish-Kryeministrit të Kosovës dhe Kryetarit të Aleancës për Ardhmërinë e Kosovës, z. Ramush Haradinaj.

Kontrolloni gjithashtu

Raportuesja për Shqipërinë në Parlamentin Europian, Isabel Santos, tha se i vjen keq nga deklaratat e Greqisë, për Fredi Belerin

Raportuesja për Shqipërinë në Parlamentin Europian, Isabel Santos, tha se i vjen keq nga deklaratat e Greqisë, për Fredi Belerin

Raportuesja për Shqipërinë në Parlamentin Europian, Isabel Santos, tha se i vjen keq  nga deklaratat e …