Sami Lushtaku kërkon mbrojtjen në liri për gjeneral Sylejman Selimin dhe bashkëluftëtarët e tjerë

Ish-kryetari i Skenderajt, Sami Lushtaku ka bërë thirrje që në protestën e sotme në mbështetje të Sylejman Selimit të dalin sa më shumë qytetarë. Në një postim Lushtaku ka shkruar se qëndrimi i Selimit në burg është i padrejtë dhe joligjor. “Të nderuar qytetarë, Ju ftoj që nga ora 12:00, të protestojmë në mënyrë paqësore para Pallatit të Drejtësisë në Veternik, duke kërkuar lirimin e ish-Komandantit të Shtabit të Përgjithshëm të UÇK-së, Sylejman Selimi. Qëndrimi i tij për më shumë se 5 vite në burg është krejtësisht i padrejtë. Pas vendimit të fundit të gjykatës që procesi të kthehet në rigjykim, kërkojmë mbrojtjen në liri për Sylejman Selimin dhe bashkëluftëtarët e tjerë. Vazhdimi i mbajtjes në burg është joligjor dhe precedent i paparë”, ka shkruar ai.