Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi është takuar sot në Prishtinë me Kancelarin austriak, Sebastian Kurz. Pas takimit, në një konferencë për media, Thaçi ka bërë të ditur se me z Kurz ka biseduar për zhvillimet në Kosovë mirëpo edhe për përspektivën e rajonit, meqë Austria si kryesuese e BE-së, ka qenë gjithmonë promovuese e të drejtës së Ballkanit për anëtarësim në BE, por pengesa për këto janë marrëdhëniet fqinjësore. Prandaj, puna dhe angazhimi ynë për arritjen e këtyre qëllimeve është i vendosur. Në kontekst të këtyre integrimeve euroatlantike, marrëdhëniet e mira fqinjësore janë kusht parësor. Kosova është duke u munduar maksimalisht që të ndërtojë raporte korrekte me Serbinë, si dhe një marrëveshje e cila siguron paqe. Ne mbesim thellësisht e angazhuar për dialogun që siguron paqe të qëndrueshme, njohje reciproke si dhe anëtarësim të Kosovës në organizata ndërkombëtare”, tha, mes tjerash kryetari, Hashim Thaçi.
