Behxhet Pacolli: Elliot Engel është një hero i cili bashkëndjeu me të gjitha momentet tona, ne në luftë, në paqe

Ministri i Jashtëm i Kosovës, Behxhet Pacolli e ka mirëpritur zgjedhjen e Elliot Engel në krye të Komitetit për Marrëdhënie të Jashtme në Kongresin Amerikan. Ai ka thënë se për Kosovën, Engel është një hero i cili bashkëndjeu me të gjitha momentet tona. “Lajm i shkëlqyeshëm në një moment të rëndësishëm nëpër të cilin po kalon Republika e Kosovës, është zgjedhja e Kongresistit, Eliot Engel, në krye të Komitetit për Marrëdhënie me Jashtë në Kongresin Amerikan. Engel ishte me ne, kur miqtë nuk ishin të shumtë, Engel ishte pranë nesh, kur e ardhmja e jonë nuk ishte edhe aq e sigurtë. Engel ishte me ne në luftë, në paqe, në okupim, në liri. Për Kosovën, Engel është hero i cili bashkëndjeu me të gjitha momentet tona, njëherësh maratonist i politikës përkrahëse të SHBA-ve, për popullin dhe shtetin më proamerikan në botë”, ka shkruar Pacolli.