Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Këshillit Iniciues serb, Milan Stamatoviq, i ka kërkuar Kishës Ortodokse të Serbisë që në rast të ndryshimit të formatit të dialogut për Kosovën, pos Rusisë e Kinës, duhet të përfshihet edhe Vatikani. Sipas tij Vatikani “nuk e njeh shtetin e Kosovës si një nga qendrat më të fuqishme të krishterimit është i interesuar në gjendjen e popullatës së krishterë”, ka thënë ai për të përditshmen serbe “Danas”. “Vatikani është i interesuar për trashëgiminë e krishterë fetare dhe kulturore të Kishës sonë dhe pronën e të gjitha komuniteteve fetare në krahinën jugore serbe. Stamatoviq po ashtu i bëri thirrje Kishës serbe që të zhvendosë selinë e saj nga Beogradi në Pejë sa më shpejt që të jetë e mundur. Kardinalë të caktuar të Vatikanit shpeshherë kanë deklaruar se nuk do ta njohin pavarësinë e Kosovës, për shkak se mendojnë që ajo është tokë e Serbisë sepse ka rreth 50 kisha serbe. Vatikani nuk flet për kishat katolike, as për xhamitë. Kjo është arsyeja pse serbët mbështeten te Vatikani.
