Dardan Sejdiu thotë se ZRRE po ndikon në rritjen e çmimit të rrymës për interesa të ‘Contour Global’

Shefi i Grupit Parlamentar të PSD-së, Dardan Sejdiu po pretendon se Zyra e Rregullatorit të Energjisë po ndihmon në rritjen e çmimit të rrymës. Përmes një shkrimi në rrjetin, Sejdiu thotë se kjo po ndodhë për shkak të interesave të “Contour Global” në ndërtimin e termocentralit “Kosova e Re”. “Zyra e Rregullatorit për Energji me dokumentin “Vendosja e Obligimit të Shërbimit Publik për Siguri të Furnizimit” ka bërë hapin e rradhës në legjitimimin e kontratës më të dëmshme ekonomike, financiare e energjetike për Kosovën, atë të ndërtimit të termocentralit “Kosova e Re” me Contour Global”, ka shkruar ai.