Pal Lekaj

Lekaj: Nuk ka zgjedhje këtë vit, se nuk ka krizë qeveritare por as nuk do të këtë qeveri gjithëpërfshirëse, apo teknike

Nënkryetari i Aleancës për Ardhmërinë e Kosovës, njëherësh ministër i Infrastrukturës dhe Transportit në Qeverinë e Kosovës, Pal Lekaj ka folur për raportet ndërmjet partive në koalicionin qeverisës të vendit. Lekaj, ka mohuar të ketë krizë brenda qeverisë së udhëhequr nga Ramush Haradinaj. “Qeveria është stabile”, ka deklaruar Lekaj. “Koalicioni funksionon korrekt”, është shprehur ai.“Sado që ka zhurma të mëdha nga opozita, por edhe mendime të ndryshme brenda koalicionit…”, ka shtuar Lekaj. Mendimi ndryshe i kreut të Partisë Demokratike të Kosovës, njëherësh kryetar i Kuvendit të Kosovës, Kadri Veseli, në krahasim me kreun e Aleancës për Ardhmërinë e Kosovës, njëherësh kryeministër, Haradinaj, për taksën ndaj Serbisë, sipas Lekajt “nuk do të ndikojë në punën e Qeverisë së Kosovës”. “Ta rrëzosh njeriun që po e mbron vendin e vet, është e pakuptimtë”, është shprehur Lekaj, duke mohuar se Qeveria Haradinaj është gati të bjerë. “Nuk ka zgjedhje këtë vit. Nuk ka krizë qeveritare”, ka këmbëngulur Lekaj. “Nuk ka qeveri gjithëpërfshirëse, as qeveri teknike”, ka shtuar nënkryetari i AAK-së.

Kontrolloni gjithashtu

Kuvendi i Kosovës ka miratuar në parim projektligjin për buxhetin e vitit 2025, me shumicë votash

I propozuari nga koalicioni VV&Alternativa dhe “Lista Guxo” Hekuran Murati, sërish nuk mori votat e mjaftueshme

I propozuari nga koalicioni “Vetëvendosje”, :Alternativa” dhe “Lista Guxo”, Hekuran Murati, sërish nuk mori votat …