Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
“Rezultatet e mira të vendit kanë pasur kontributin e Nisma Socialdemokrate”, kështu ka deklaruar të enjten në pesëvjetorin e këtij subjekti politik, lideri i saj Fatmir Limaj. Ai ka thënë se partia që drejton ka kaluar nëpër rrugë të vështira por që rezultati për këto pesë vjet ka qenë i jashtëzakonshëm. Limaj ka thënë se fryma socialdemokrate është shpërndarë anekënd vendit. “Fryma socialdemokrate sot është e shpërndarë anembanë Kosovës. Duke ditur që vendi ynë do ballafaqohet me situata të ndryshme ishte e nevojshme të sjellim njerëz që mendojnë me mendjen e tyre, me gjakftohtësi”, është shprehur ai. Limaj i cili mban postin e zëvendëskryeministri të Kosovës ka thënë se grupi parlamentar i Nismës Socialdemokrate është ndër grupet më të disiplinuara dhe më të rregullta në Kuvendin e Kosovës. Ai ka thënë se Nisma Socialdemokrate edhe komunave do t’u jep shpresë me plotë djem e vajza të reja të cilët lënë gjurmë të jashtëzakonshme dhe japin shpresë.
