Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eksperti i Institutit për Studime të të Drejtave të Njeirut në Universitetin Kolumbia në SHBA, David Phillips ia ka dekalruar Radios Evropa e Lirë se shumica dërmuese e qytetarëve të Kosovës janë proamerikanë dhe properëndimorë, por shqetësues është rritja e numrit e qytetarëve që po radikalizohen. Shqiptarët etnikë kanë qenë gjithmonë fuqishëm pro-amerikanë. Shtetet e Bashkuara dhe Kosova kanë bashkëpunuar ngushtë për ta ndalur agresionin e Serbisë, dhe rrjedhimisht për të ecur drejt pavarësisë. Megjithatë, lënia pas dore e Kosovës nga ana e Shteteve të Bashkuara ka pasur ndikimin e vet në psikologjinë e kosovarëve. Shkalla e papunësisë është shumë e lartë, Shtetet e Bashkuara kanë përqëndruar vëmendjen gjetkë; Qeveria në Kosovë është dëshmuar të jetë e paaftë në zgjidhjen e problemeve në vend dhe në shumë rrafshe madje i ka përkeqësuar problemet. Megjithatë nuk është me rëndësi se sa shqiptar janë përfshirë në luftën që po zhvillohet në Siri, por e rëndësishme është të theksohet mungesa e gatishmërisë nga ana e qeverisë në Kosovë për të krijuar mundësi punësimi, arsimimi, për t’u dhënë të rinjve në Kosovë shpresë dhe mundësi për jetë më të mirë në vendin e tyre, ka theksuar eksperti i të drejtave të njeriut, David Fillips.
