Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Departamentin Amerikan të Mbrojtjes u zhvillua një ceremoni për të përkujtuar 20 vjetorin e fushatës së bombardimeve të Nato-s, në Kosovë që i dha fund spastrimit etnik dhe gjunjëzoi forcat serbe të drejtuara nga Sllobodan Milosheviçi. Ambasadorja e Kosovës në SHBA Vlora Citaku, në llogarinë e saj në facebook me këtë rast ka shkruar: E nderuar që bashkë me komandantin e Forcave Ajrore Amerikane, Gjeneralin Goldfein, në ambientet e Departmentit Amerikan të Mbrojtjes (Pentagon) zbuluam monumentin i cili i dedikohet ndërhyrjes ushtarake të NATO-s në Kosovë. Gjenerali Goldfein edhe personalisht ka qenë pjesëmarrës në fushatën ajrore kundër caqeve të regjimit të Milosevicit. Me 2 Maj 1999 aeroplani ushtarak me të cilin po fluturonte Gjenerali Goldfein ishte goditur nga forcat serbe. Fatmirësisht, pas një operacioni të shpëtimit, Gjenerali Goldfein ishte kthyer shëndosh e mirë në bazën ajrore të NATO në Itali. Në prononcimin para medieve Gjanerali Godfein tha: Ne shkojmë në luftë për të mbrojtur vlerat tona. Ne nuk duam luftë por kur kauza është e drejtë ne mbrojmë vlerat tona. Kosova është shembulli i fitorës të së mirës mbi të keqen, përfundoi gjenerali Godfein.
