Kryetari i Partisë Demokratike të Kosovës, Kadri Veseli, ka takuar strukturat e reja të kësaj partie në Shtime

Kryetari i Partisë Demokratike të Kosovës, Kadri Veseli, ka takuar të mërkuren pasdite strukturat e reja të partisë në Shtime, para të cilave e ka paraqitur vizionin e tij për të ardhmen në Dekadën e Re. Ai falënderoi mbi 50 mijë qytetarë të profileve të ndryshme cilët morën pjesë në zgjedhjet e brendshme të Partisë Demokratike të Kosovës. Veseli tha se PDK tani pas zgjedhjeve partiake fillon jetësimin e platformës së saj Dekada e Re e cila ka vizion të qartë për zhvillimin e vendit, për rininë novatore të Kosovës. Ai ka folur edhe për ideologjinë politikë të PDK-së, e cila siç tha Veseli është tërësisht perëndimore. Kreu i PDK-së ka folur edhe për iniciativën e tij për themelimin e Tribunalit Ndërkombëtar për gjenocidin serb në Kosovë, duke theksuar se dëshiron që të sillet drejtësi për të gjitha viktimat dhe Kosova të filloj pastaj ndërtimin e të ardhmes nëpërmjet platformës Dekada e Re.