Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për nder të 20-vjetorit të çlirimit të komunës së Skenderajt, motoristët nga Kroacia kanë vizituar Kompleksin Memorial, në Prekaz. Ata u shoqëruan edhe nga kryetari i kësaj komune, Bekim Jashari dhe ai i Drenasit, Ramiz Lladrovci. Kryetari i Skenderajt, Bekim Jashari, ka falënderuar motoristët për vizitën, duke shtuar se përmes kësaj vizite po tregohet respekti dhe bashkëpunimi në mes popullit shqiptar dhe kroat. Ndërsa, kryetari i klubit të motoristëve nga Kroacia, Klek Dragoviq ka shprehur falënderim për shqiptarët, të cilët ishin pjesë e luftës në vendin e tij kundër serbëve. Nga Kroacia për të vizituar Kompleksin Memorial në Prekaz kishte ardhur edhe motoristi, Ivica Panxha. Ai shprehu nderimin e tij për komandantin legjendar Adem Jashari dhe familjen e tij. Veteranët motoristë nga Kroacia po ashtu kanë vizituar edhe kullat e Jasharajve, por edhe Muzeun ku janë njoftuar nga afër për historinë e familjes Jashari dhe luftën në Kosovë.
