Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetati i SHBA-së, Donald Trump ka shtrënguar duart me udhëheqësin e Koresë së Veriut, Kim Jong-un, në Zonën e Dimiltarizuar, që ndanë Veriun dhe Jugun në Gadishullin Korean. Trump u bë kryetari i parë i SHBA-ve që shkeli në Korenë e Veriut pas takimit me Kim Jong-un, shkruan BBC. Udhëheqësit, në takimin e tyre të tretë ballë për ballë në më pak se një vit, u takuan në zonën e tensionuar që ka ndarë gadishullin që kur përfundoi Lufta Koreane në vitin 1953. Në një takim të organizuar, pasi Trump ftoi Kim në Twitter, ata shtrënguan duart në vijën e demarkacionit përpara se Trump të kalonte shkurtimisht në territorin e Koresë së Veriut, një moment historik në diplomacinë midis dy vendeve. Shumë kryetar të mëparshëm amerikanë kanë vizituar linjën armistike të vitit 1953 midis Koreas, kryesisht në një shfaqje të mbështetjes amerikane për Jugun. Por Trump ndryshoi optikën e vizitës. Takimi i tij me Kim Jong-un dhe hapat në Korenë e Veriut bënë histori. Pas shtrëngimit të duarve ai tha se ishte një nder i madh.
