Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari për Mediet në Partinë Socialiste, Alfred Peza akuzoi kryetarin e Republikës, Ilir Meta, se ka zyrtarizuar qëndrimin e tij pro-rus me pjesëmarrjen në Samitin e Procesit të Bashkëpunimit të Evropës Juglindore. Qeveria shqiptare kishte vendosur të bojkotonte samitin e organizuar në Bosnje-Hercegovinë, për shkak të mos-trajtimit si të barabartë të Republikës së Kosovës, por ky bojkot u thye nga presidenti Meta. Sipas Pezës, Meta e do Shqipërinë si një Republikë Lindore dhe jashtë institucioneve Perëndimore. “Presidenti e zyrtarizoi me veprimtarinë dhe pranimin e ftesës nga njeriu i Putinit aktivitetin pro rus. Kërkon një Republikë Lindore, pro ruse dhe jashtë institucioneve Perëndimore”, tha ai. “Edhe shefi i opozitës, Lulzim Basha është marrë i pandehur për financime nga Rusia”, shtoi Alfred Peza.
