Rregullohet ndriçimi edhe në tri fshatra të Malishevës

15/07/2019 Institucionet

Komuna e Malishevës është duke e realizuar një prej projekteve më të kërkuara nga ana e banorëve, atë të rregullimit të ndriçimit publik nëpër vendbanimet e saj. Në kuadër të realizimit të këtij projekti, ka përfunduar rregullimi i ndriçimit edhe në tri fshatra, në Bubavec, Mleqan dhe në pjesën më të madhe të Turjakës. Rregullimin e ndriçimit në këto fshatra e kanë inspektuar nënkryetari i Komunës së Malishevës, Hajdin Berisha dhe drejtori i Inspektoratit, Dibran Kastrati, të cilët janë ndarë të kënaqur me realizimin e deritanishëm të këtij projekti. Po ashtu, Berisha e Kastrati janë takuar edhe banorët të cilët gjatë inspektimit ishin duke ecur rrugëve tashmë të ndriçuara. “Realizimi i projektit është duke vazhduar sipas dinamikës së paraparë dhe janë duke u zbatuar kriteret e projektit. Po ashtu edhe banorët e këtyre vendbanimeve, janë të kënaqur me rregullimin e ndriçimit, pasi kjo ju mundëson lëvizje të lirë, por mbi të gjitha edhe ju krijon siguri”, tha nënkryetari Berisha, gjatë vizitës në Turjakë dhe Bubavec.

Kontrolloni gjithashtu

OVL e UÇK-së dhe Komuna Rahovecit organizojnë aktivitete të shumta me rastin e shënimit të javës së dëshmorëve dhe “Betejës së 12 Majit 1998 -Beteja e Anadrinit”

Organizata e Veteranëve të Luftes së UÇK-së dhe Komuna e Rahovecit organizon aktivitete të shumta …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara