Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ishte akuzuar si pjesë e organizatës terroriste dhe u arrestua para ndeshjes Shqipëri – Izrael, 2 vjet me parë, por Prokuroria e Krimeve të Rënda pak para shkrirjes, ka kërkuar pushimin e çështjes për shkodranin, Ergys Faslia. Tashmë çështja do të mbyllet përfundimisht nga gjykata në vendimin që do të marre më date 26 dhjetor. Personat e arrestuar në Nëntorin e 2017 në qytetin e Shkodres u akuzuan nga Prokuroria e Krimeve të Rënda për “vepra me qëllime terroriste”, “kanosja për kryerjen e veprave me qëllime terroriste” si dhe pjesëmarrëse në “organizatë terroriste. Por vetëm pas një viti të vuajtjes së dënimit ish prokurori i çështjes Eugen Beci kërkoi ndryshimin e masës së sigurisë për të ndaluarit si pasojë e mungesës së provave nga ‘arrest në burg’ në ‘arrest shtëpie’ kërkesë kjo e miratuar nga gjykata. Pas dy viteve në arrest shtëpie tashmë organi i akuzës pushoi çështjen në ngarkim dy shkodranëve. Në nëntor të 2017, katër persona, dy prej të cilëve shkodranë dhe dy shtetas nga Kosova u arrestuan në qytetin e Shkodrës pasi u dyshuan se po planifikonin sulm me eksploziv në stadiumin “Loro Boriçi” gjatë ndeshjes Shqipëri-Izrael, akuzë e cila jo vetëm që nuk u provua por rezultoi si tërësisht e pavërtetë. (Dita)
Ky lajm nuk gjendet i afishuar sot në asnjë medium apo portal të Kosovës, sepse zbut luftën kundër myslimanëve. Po kështu AKI që e kishte zbuluar ( kurdisur) lajmin, as kreu politik i Kosovës nuk merret me këtë lajm, “sepse kanë shpallur fitoren në zbulimin e grupit dhe parandalimin e sulmit”. Për këtë farsë të tyre kanë marrë mbështetje e duartrokitje të shumë vendeve të botës, por jo nga Izraeli. Sot kur e vërteta doli ndryshe ata heshtin dhe fusin kokën në zall si struci. Kosova nuk ka qenë as është tokë e pëlleshme ISIS-it, por tokë e pëlleshme e hipokrizisë, servilizmit, gënjeshtrës, instruktimeve, luftës kundër tolerancës fetare të një segmenti të politikanëve naivë e hipokritë dhe të jugo medieve në gjuhën shqipe. (RKL)
