KK i Malishevës ka mbajtur mbledhjen e gjashtë të jashtëzakonshme, e cila do të vazhdoj të premten e ardhshme

24/12/2019 Institucionet

Kuvendi i Komunës së Malishevës, nën drejtimin e kryesuesit Rrahim Morina, dhe me kërkesën e 12 anëtarëve të kuvendit, e ka mbajtur mbledhjen e gjashtë të jashtëzakonshme për këtë vit, e cila pas miratimit të rendit të ditës, ka mbetur pa kuorum dhe mbledhja ka vazhduar të mbahet vetëm me diskutime nga të pranishmit, ndërsa mbledhja do të vazhdoj punimet të premten në ora 09:00. Në rend të ditës, me kërkesën e 12 anëtarëve të kuvendit, ishte shqyrtimi i situatës së krijuar pas ngritjes së aktakuzës nga Prokuroria Themelore në Gjakovë, për shtatë zyrtarë komunal, pikë e cila është miratuar me shumicë të votave, mirëpo pas miratimit, anëtarët e kuvendit, nga radhët e NISMA Social-Demokrate, e kanë lëshuar mbledhjen, me arsyetimin se kjo është ndërhyrje në drejtësi. Më pas, mbledhja ka vazhduar pa kuorum, por me diskutime nga anëtarët e kuvendit, të cilët kanë debatuar për çështjen dhe i kanë dhënë disa rekomandime, të cilat pritet të votohen në vazhdimin e mbledhjes.

Kontrolloni gjithashtu

Komuna e Skenderajt do të organizoj akademi përkujtimore për heroin Abaz Thaçi dhe 10 dëshmorë tjerë

Nën organizimin e Shoqatës së sh-Brigadës 138 “Agim Ramadani”, të enjten me 16 maj, në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara