Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nën përkujdesjen e presidentit të Kosovës, Hashim Thaçi, sot është mbajtur një Akademi përkujtimore kushtuar dëshmorit Selman Vojvoda, në 30-vjetorin e vrasjes së tij. Në këtë akademi, Thaçi ka thënë se Selman Vojvoda si student kishte lënë librin që t’i bashkohej rezistencës kundër Serbisë, tre dekada më parë. “Në mesin e atyre njerëzve që treguan vendosmëri, zgjuarsi dhe vizion ishte edhe studenti Selman Vojvoda. Ai dha shembullin më të mirë se si një i ri, la librin dhe doli në ballë të demonstratave. Rënia e tij nuk ishte e rastësishme. Patriotizmin e kishte të frymëzuar nga familja. Selman Vojvoda ra heroikisht në istikamet e rezistencës paqësore kundër policisë dhe ushtrisë serbe”, ka thënë Thaçi. Më tutje, Thaçi ka thënë se rënia e Selmanit ka simbolikë të veçantë për Drenicën, Mitrovicën dhe të gjithë Kosovën.
