Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Akademinë e Kosovës për Siguri Publike është ndërprerë procesi edukativo-arsimor i kadetëve të Policisë së Kosovës dhe studentëve të Fakultetit të Sigurisë Publike. Kjo masë u morë në përputhje me vendimin e Qeverisë së Kosovës lidhur me masat parandaluese për mbrojtje nga koronavirusi. Bazuar në këtë vendim, nga sot ndërpritet procesi mësimor i kadetëve dhe studentëve dhe po ashtu pezullohen të gjitha aktivitetet të cilat janë në fushëveprimtarinë e akademisë. Kadetët e Policisë së Kosovës, sot në paradën e mëngjesit u njoftuan nga Drejtori i Përgjithshëm i Akademisë së Kosovës për Siguri Publike Ismail Smakiqi për ndërprerjen e trajnimit të Programit Profesional si dhe u kërkua nga ta që të respektojnë udhëzimet e Ministrisë së Shëndetësisë lidhur me masat preventive kundër koronavirusit COVID-19.
