Mirosllav Lajçak për të cilin kryetari Thaçi dhe kryediplomati Konjufca kishin vërejtje si ndërmjetësues i dialogut për shkak të qasjes kundër pavarësisë dhe shtetësisë së Kosovës, në letrën dërguar Thaçit nuk thotë asgjë për qëllimet e dialogut dhe askund nuk e përmend njohjen nga Serbia dhe anëtarësimin në OKB. Mospërmendja e rezultateve konkrete dhe specifike për dialogun në këtë letër sinjalizon edhe një proces të gjatë dialogues me rezultate të ngadalshme dhe jo domethënëse, siç kishte ndodhur edhe gjatë procesit në kohën e Mogherinit. Megjithatë, Lajçak thotë se caktimi i tij në këtë rol është sinjal i riangazhimit të BE-së në dialog. Tutje, Lajçak në këtë letër flet edhe për krizën e shëndetit publik për shkak të pandemisë Covid-19, duke përmendur asistencën prej 5 milionë eurosh të BE-së për Kosovën. Edhe atëherë kur detyra zyrtare ia kërkonte të ishte neutral ndaj statusit të Kosovës, ai ka dal hapur kundër pavarësisë së Kosovës. Po i njëjti ka kundërshtuar edhe Ministrin e Jashtëm në detyrë të Shqipërisë, Gent Cakajn, që ai të përfaqësojë kryesimin e Shqipërisë në OSBE, duke qenë se është nga Kosova.
Kontrolloni gjithashtu
Memli Krasniqi: PDK-ja asnjëherë nuk ka pasur vija të kuqe me asnjë subjekt tjetër politik, nuk ka as me Vetëvendosjen
Kryetari i PDK-së, Memli Krasniqi, pas pajtimit me kërkesën e Albin Kurtit për mundësinë e …