Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke kujtuar masakrën e Studimes, lideri i Aleancës për Ardhmërinë e Kosovës, Ramush Hardinaj ka shkruar se gjaku i dëshmorëve dhe martirëve obligon Kosovën të mos ndalet derisa përgjegjësit e gjenocidit të dalin para drejtësisë. Ai ka përkujtuar të rënët e kësaj masakre, duke thënë se martirët e masakrës së Studimes ranë duke kërkuar të drejtën për të jetuar të lirë e me dinjitet në tokën e tyre. “Me pietet kujtojmë sot martirët e masakrës së Studimes, të cilët ranë duke kërkuar të drejten për të jetuar të lirë e me dinjitet në tokën e tyre. Gjaku i derdhur i martirëve na obligon të mos ndalemi kurrë gjersa përgjegjësit e këtyre masakrave dhe gjenocidit të dalin para drejtësisë dhe të marrin dënimin e merituar. Lavdi e përjetshme të rënëve për lirinë e Kosovës!”, ka shkruar lideri i Aleancës për Ardhmërinë e Kosovës, Ramush Hardinaj.
