Kanë filluar punimet në rregullimin e trotuareve në Mleqan dhe Lubizhdë

07/05/2020 Institucionet

Në kuadër të realizimit të projekteve të planifikuara dhe investimeve kapitale, pas qetësimit të situatës me COVID-19, ka filluar realizimi i këtyre projekteve. Këto ditë ka filluar ndërtimi i trotuareve në fshatrat Mleqan dhe Lubizhdë të Komunës së Malishevës. Punimet në këto dy fshatra, i kanë parë nga afër nënkryetari i Komunës së Malishevës, Hajdin Berisha dhe drejtori i Drejtorisë së Urbanizmit, Islam Vrenezi, të cilët janë njoftuar me ecurinë e punimeve, si dhe kanë biseduar edhe me banorë të këtyre fshatrave, të cilët janë shprehur të kënaqur me ndërtimin e trotuareve. “Disa nga projektet janë vonuar për shkak të situatës së krijuar, por dalëngadalë po i kthehemi normalitetit, përfshi edhe fillimin e punimeve në realizimin e projekteve kapitale. Ndërtimi i trotuareve është me rëndësi jetike për banorët, pasi krijon siguri për këmbësorët, në këtë kohë kur numri i automjeteve është shumë i madh, ndërsa ne si qeveri komunale jemi të obliguar që ti realizojmë kërkesat e qytetarëve, duke ju krijuar kushte më të mira në vendbanimet e tyre”, tha nënkryetari Berisha.

Kontrolloni gjithashtu

Shënohet 26 vjetori i daljes së parë publike të UÇK-së në Drenoc të Rahovecit

Sot, u bënë 26 vjet që nga dalja e parë publike e UÇK-së në Drenoc …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara