Ministria e Arsimit, Shkencës dhe Teknologjisë ka reaguar ndaj paralajmërimeve të Vetëvendosjes për mbajtjen e një debati me nxënësit e shkollave të mesme të Prishtinës. Në reagimin e ministrisë thuhet se shkollat janë institucione të dijes dhe të edukimit të rinjve tanë dhe askush nuk ka të drejtë ligjore keqpërdorimin e nxënësve në ambientin shkollor. “Përfshirja dhe shfrytëzimi i nxënësve të moshës jomadhore në debate partiake e politike është shkelje e të drejtave të fëmijëve dhe paraqet shkelje të parimeve të Ligjit për Arsimin Parauniversitar të Republikës së Kosovës dhe të konventave ndërkombëtare”, thuhet në komunikatën e MASHT-it. Më tej, në komunikatë bëhet thirrje që të mos lejohet përfshirja e nxënësve dhe mjediseve shkollore në aktivitete partiake dhe politike nga asnjë subjekt politik në Kosovë.
Kontrolloni gjithashtu
Aleksader Vuçiq, gjatë takimit me Milorad Dodikun, ka biseduar edhe rreth rezolutës për Srebrenicën
Kryetari i Serbisë, Aleksandar Vuçiq, gjatë takimit me kryetarin e Republikës Sëerbe, Milorad Dodik, ka …