Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njëra prej arsyeve të mbështetjes së opsionit ku pasuria e paligjshme konfiskohet pa aktgjykim dënues, është se praktika e deritashme ka dështuar dhe se vlera përfundimtare e konfiskimit është e vogël, ka thënë ministrja e drejtësisë, zonja Albulenë Haxhiu. Janë dhënë edhe shifrat për pasurinë e sekuestruar dhe të konfiskuar, ku në gjashtë vjetët e fundit thuhet se vlera e sekuestrimeve kap shumën prej 180 milionë euro, përderisa vlera e konfiskimeve përfundimtare bie në vetëm 3.5 milionë euro. Deri më tani, bazuar në legjislacionin në fuqi, konfiskimi i pasurisë është bërë vetëm nëse ka pasur aktgjykim të formës së prerë. Tani Qeveria Kurti në shkarkim dhe në largim, po përpiqet ta nxjerrë ligjin për konfiskimin e pasurisë me origjinë joligjore, edhe pse nuk është dëshmuar paraprakisht se është kryer vepra penale përmes së cilës është përfituar ajo pasuri.
