Kryetari i Kosovës, Hashim Thaçi nëpërmjet një postimi në Facebook ka përkujtuar burrat dhe gratë e kombeve të lira të prira nga SHBA-ja dhe zbarkimin e aleatëve në brigjet e Normandisë. “6 qershori i vitit 1944, si datë themeltare për çlirimin e Evropës nga nazifashizmi, është dëshmi historike se vlera sublime e sakrificës për liri tejkalon çdo regjim dhe ideologji sunduese mbi të. Është dëshmi historike e rolit dhe përkushtimit amerikan për rrezatimin e lirisë dhe demokracisë përballë çdo autokracie e diktature, përkushtim që e kemi parë edhe ne në Kosovë më 24 mars 1999.”, shkruan Thaçi. Më tutje, ai thotë se në këtë muaj, kujtojmë edhe sakrificën dhe ditët e lavdishme të luftës së UÇK-së dhe zbarkimin e trupave të NATO-s të udhëhequra nga SHBA-të. “Së bashku me SHBA-në kemi përfunduar projektet kapitale historike për lirinë dhe pavarësinë e vendit dhe do t’i përmbyllim edhe proceset tjera të rëndësishme që janë para nesh.”, shkruan ai.
![Thaçi: Këto ditë i kujtojmë ditët lavdishme të luftës së UÇK-së dhe zbarkimin e trupave të NATO-s të udhëhequra nga SHBA-të](https://www.radiokosovaelire.com/wp-content/uploads/thaqi-15-660x330.jpg)