Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i PDK-së, Enver Hoxhaj, i ka reaguar raportueses për Kosovën në Parlamentin Evropian, Viola von Cramon, pasi ajo shkoi në Hagë një ditë pas përfundimit të intervistimit të kryetarit Thaçi dhe takoi disa udhëheqës të Gjykatës Speciale. Vendimi i eurodeputetes ka zgjuar kritika të ashpra në Kosovë, për ndërhyrje në drejtësi. Kështu mendon edhe nënkryertari i PDK-së, Enver Hoxhaj, njëherësh edhe deputet i kësaj partie në Kuvendin e Kosovës. “Qytetarët e Kosovës janë të habitur kur shohin se një eurodeputet, një politikan, viziton Dhomat e Specializuara dhe Zyrën e Prokurorit të Specializuar në Hagë. Ne mësuam nga BE gjatë gjithë kësaj kohe se kur politikanët shkojnë të takojnë prokurorët dhe gjykatësit quhet ndërhyrje politike. Kjo është ajo që bëri Viola von Cramon.”, ka shkruar Hoxhaj.
