Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbledhja e përbashkët e Qeverisë së Kosovës dhe të Shqipërisë pritet të mbahet në shtator. Është paralajmëruar se gjatë kësaj mbledhje do të nënshkruhet tri marrëveshje të reja. Gjatë kësaj mbledhje është paraparë të diskutohet për avancimin e zbatimit të marrëveshjeve të nënshkruara në mbledhjet e përbashkëta paraprake të të dyja qeverive. Duke folur për mbledhjen e ardhshme, zëvendëskryeministrja e Kosovës, Albulena Balaj-Halimaj, ka thënë se mbledhja e përbashkët mes dy qeverive pritet të mbahet në pjesën e dytë të muajit shtator. “Janë tri marrëveshje më të mëdha do ti quaja, e para është Dogana në Durrës, linja hekurudhore dhe Hidrocentrali që do të ndërtohet në republikën e Shqipërisë për Kosovën. Ne kemi filluar me takime të cilat do ta organizojnë mbledhjen e përbashkët ndërmjet dy Qeverive, e cila pritet të mbahet në pjesën e dytë të shtatorit”, ka thënë mes tjerash, Albulena Balaj-Halimaj.
