Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i të ashtuquajturës Zyrë për Kosovën në Qeverinë e Serbisë, Marko Gjuriq, ka bërë të ditur se Serbia është duke shqyrtuar mundësinë që t’i kundërpërgjigjet me reciprocitet kamionëve që vijnë nga Kosova. Kjo pasi institucionet e Kosovës kanë marrë vendim për bllokimin e kamionëve dhe maunave serbe që bartin lëndë të rrezikshme, si nafta e gazi. Gjuriq, me këtë rast, ka kërkuar nga bashkësia ndërkombëtare që të reagojë, për siç ka thënë ai, sjelljen e papranueshme të Prishtinës. “Prishtina ka tejkaluar të gjitha kufijtë dhe ka hyrë në zonën e kuqe të sjelljes së papranueshme”, ka thënë ai. Sidoqoftë, Gjuriq nuk ka thënë asgjë për faktin që janë pikërisht autoritetet serbe që pengojnë kamionët dhe maunet nga Kosova, me pretekstin se nuk njohin certifikatat e lëshuara nga Prishtina.
