Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Kosovës, Albin Kurti ka thënë se Kosova gjendet në një situatë të rëndë sociale. Duke u bazuar në shifrat nga Agjencia e Statistikave të Kosovës për situatën sociale në vend, Kurti ka thënë se në Kosovë jetohet keq, ndërsa i ka quajtur shqetësuese gjetjet e ASK-së. “Mjerimi si shifër e shtetit. Në Kosovë jetohet keq. Janë shqetësuese të gjeturat sociale sipas anketës të publikuar së fundi nga Agjencia e Statistikave të Kosovës (ASK). Rezultatet janë për të ardhurat dhe kushtet e jetesës në Kosovë në vitin 2018. E gjendja mund të jetë veçse e përkeqësuar që prej atëherë”, ka shkruar Kurti. Kryetari i Vetëvendosjes, ka publikuar disa nga gjetjet e ASK-së, ndërsa ka thënë se mjerimi social nuk është fatkeqësi natyrore dhe se Kosovës i nevojitet model i ri ekonomik i përqendruar te zënia me punë.
