Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i LDK-së, Isa Mustafa, ka bërë me dije se nuk ka disponim nga shumica parlamentare për zgjedhje të reja në Kosovë. Para takimit me partnerët e koalicionit, ai ka deklaruar se mocioni i mosbesimit ndaj qeverisë i ka mbetur në duar Lëvizjes Vetëvendosje. “Sa i përket iniciativës për mocion, ne nuk kemi asnjë telashe të shkojmë në zgjedhje në momentin që vendos shumica. Unë nuk shoh disponimin e shumicës për rrëzim të qeverisë dhe zgjedhje të tjera. Prandaj mocioni bie që është sfidë për Vetëvendosjen dhe jo për LDK-në, sepse atyre iu kanë mbetur letrat në duar”, ka deklaruar Mustafa. Ai ka folur edhe për çështjen e presidentit, duke thënë se nuk kanë kurrfarë kundërshtimesh e as pajtimesh me askënd rreth këtij posti. “Në LDK nuk është trajtuar pozita e Presidentit dhe nuk do të trajtohet derisa nuk sfidohemi me mandatin kushtetues, prandaj edhe nuk kemi kurrfarë kundërshtimesh por as pajtimesh me askënd”, ka thënë Mustafa.
