Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Avdullah Hoti, e ka quajtur ditë të madhe për Kosovën dhe rajonin nënshkrimin e marrëveshjes ndërmjet Kosovës dhe Serbisë, në Uashington. Ai në konferencën për media tha se kjo është një ditë e madhe dhe shumë e rëndësishme për Kosovën. “Marrëveshja ka të bëjë normalizimin e marrëdhënieve ekonomike mes dy vendeve dhe mbështetje të projekteve të mëdha infrastrukturore që lidhin ekonominë e të dy vendeve, si dhe krijojnë qindra mijëra vende të punës për të dy vendet e rajonin, Ai ka falënderuar Amerikën për mbështetjen e fuqishme. Hoti tha se kjo marrëveshje i hap rrugë normalizimit të plotë të marrëdhënieve ndërmjet Kosovës dhe Serbisë deri te njohja reciproke. Hoti pas takimit tha se në Shtëpinë e Bardhë gjithmonë është dhënë mbështetje e madhe për Kosovën. “Në këtë shtëpi të shenjtë për shqiptarët janë lidhur gjithmonë marrëveshje të mira”, tha Hoti.
