Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vetëvendosje ka kërkuar lirimin e aktivistëve të saj që u arrestuan pas hedhjes së gazit lotsjellës në ceremoninë, teksa inaugurohej Thaçi president. “Një president që inaugurohet nën rrethim policor të kryeqytetit; që e vë policinë rrugëve për ta mbrojtur nga populli i vet; që largon çdo flamur kombëtar që mund të ketë qenë i pranishëm në shesh; që arreston aktivistët opozitarë të pakënaqur me të; që arreston qytetarë vetëm pse deshën të kalojnë të lirë rrugëve të kryeqytetit, kurrë nuk do të jetë president e popullit të Kosovës”, thuhet në komunikatën e Vetëvendosjes. Ky subjekt ka kërkuar lirimin e aktivistëve: Valon Sherifi, Adelina Berisha, Kastriot Gërbeshi, Imer Fejza, Pleurat Thaçi, Korab Korqa, Qëndrim Sahiti dhe Gëzon Kastrati që është djali i dëshmorit të kombit, Isa Kastrati.
