Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Kazermën “Ushtarët e NATO-s” në Burim të Komandës së Forcave Tokësore është mbajtur sot ceremonia e certifikimit të gjeneratës së 6-të më radhë të trajnimit taktik dhe të mbijetesës ”Simboli i Ujkut“. Trajnimi tre javor ishte i ndarë në tri faza, të cilat kanë përfshirë testime fizike, ligjërata, aktivitete sulmi, repelimi, reagimi ndaj kontaktit, kalimi i pengesave ujore në ujin e akullt dhe operacioni final 72 orësh dhe 110 km marshim në këmbë me 30 kg pajisje ushtarake. “Simboli i Ujkut” është njëri ndër trajnimet më të avancuara dhe sfidues për pjesëtarët e FSK në të cilin duhet të operojnë si ekip duke mbështetur dhe motivuar njëri tjetrin në mënyrë që të arrijnë të përfundojnë më sukses trajnimin. Në ceremoninë e certifikimit të pranishëm ishin komandanti i Forcave Tokësore gjeneral brigade Fadil Hadergjonaj, zëvendës komandanti kolonel Hysen Dreshaj, shefi i shtabit kolonel Sylejman Cakaj dhe oficer të lartë të FSK-së.
