Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Disa medie në Kosovës spekulojnë pa asnjë fije turpi lidhur me afatin e fillimit të gjykimit të krerëve të luftës së UÇK-së, të cilët janë arrestuar nga Gjykata Speciale dhe po mbahen në burgun e Hagës, në Holandë, Edhe pse nuk ka asnjë informatë zyrtare, as dihet se kur do të gjykohen dhe a do të gjykohen, jugo-analistë e gazetarë “të gjithëdijshëm” nuk ngurojnë të spekulojnë me afatet, me qëllim që të krijohet përshtypja se ata doemos do të gjykohen dhe se gjykimet do të vazhdojnë me decenie të tëra.
Pavarësisht se në ditët në vijim pritet të vazhdojnë konferencat mbi ecurinë e çështjes ndaj shtatë të arrestuarve, ku soj i analistëve konsideron se gjykimi nuk do të nisë deri në vitin 2022, madje duke paralajmëruar edhe arrestime të tjera, për të cilat ende nuk dihet se a do të ngritën, dhe për cilat raste është fjala. Pretendimet ogurzeza të disa medieve për të paragjykuar procesin gjyqësor në Hagë, janë malicioze dhe kanë karakter të nxitjes së fushatës kundër luftës heroike të UÇK-së, e cila së bashku me NATO-n i solli liri e pavarësi vendit tonë. Ky soj analistësh e gazetarësh prin edhe nëpër debate televizive duke u shërbyer me gënjeshtra dhe duke marrë në pyetje ish luftëtarë mendjelehtë, të cilët bien pre e pjellave titiste e rankoviçiste, duke pretenduar ta mbrojnë të vërtetën e tyre. (REL)
