Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Hanit të Elezit, Rufki Suma, ka thënë që nuk do të jetë kurrë pjesë e asnjë partie politike. Suma, ka thënë që qytetarët kërkojnë që ai të vazhdojë të udhëheqë me komunën. “Qytetarët kërkojnë që unë të vazhdoj të udhëheqi me Hanin e Elezit. Po të pyetesha unë, në vullnetit tim mandati i dytë ka qenë i tepërt. Në dy mandatet e para, kemi pas oferta. Tash, pasi shumica e partive politike e ka parë që unë nuk inkuadrohem në asnjë parti politike, nuk bëjnë kërkesa siç kanë bërë më herët. Jam takuar gati me të gjithë dhe e kam shprehur qëndrimin tim që s’do të jem pjesë e asnjë partie politike. Nëse do të mbetem në politike do të mbes veç i pavarur sepse qytetarët të besojnë më tepër. Kam vendosur që derisa të jem në politikë, të punoj gjithmonë si pavarur”, u shpreh Suma.
