Në organizim të OSBE-së u nënshkrua projekti për bashkëpunimin mes 6 komunave

13/04/2016 Institucionet

Organizata për Siguri dhe Bashkëpunim në Evropë, Misioni në Kosovë (OSBE),  më, 13.4.2016, në lokalet e  Hotelit Swiss Diamond, në Prishtinë ka organizuar Ceremoninë zyrtare të nënshkrimit të Deklaratës së përbashkët për të promovuar dialogun ndërmjet komuniteteve në komunat e Prishtinës, Graçanicës, Lipjanit, Shtimes, Fushë Kosovës dhe Kastriotit.

Në këtë ceremoni, përveç kryetarëve të këtyre 6 komunave, të regjionit të Prishtinës kanë marrë pjesë edhe përfaqësues të komuniteteve, zyrtarë komunalë, përfaqësues të organizatave joqeveritare si dhe të rinj nga komunitetet e ndryshme.

Ambasadori Jean-Claude Schlumberger, Shef i Misionit të OSBE-së në Kosovë, falënderoi kryetarët e komunave për pjesëmarrje në këtë ceremoni duke shtuar se është i kënaqur që mund të ndihmojë bashkëpunimin ndërkomunal për promovimin e çështjeve të komuniteteve.

Kryetari  Naim Ismajli, para nënshkrimit të Deklaratës për zotimet e komunave për bashkëpunim ndërkomunal, ka thënë se Kosovës i duhet integrimi i plotë i komuniteteve duke shtuar se kryetarët e komunave po mundohen të krijojnë parakushte që përmirësojnë jetën e qytetarëve të të gjitha komuniteteve. Do të jemi të gatshëm të bashkëpunojmë me komunat e tjera dhe me organizatat ndërkombëtare dhe vendore për çështje të komuniteteve pasi që kjo është një mundësi e re e ndërtimit të dialogut, ka thënë veç tjerash kryetari Naim Ismajli.

Kontrolloni gjithashtu

Kanë filluar konsultimet publike për Planin Zhvillimor Komunal të Ferizajt

Në kuadër të hartimit të Planit Zhvillimor të Komunës (PZHK), Komuna e Ferizajt ka filluar …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara